أحمد زاهر يُعرب عن فخره بالتكريم من مهرجان "همسة" ويُهدد المتنمرين
صوت الإمارات -
أحمد زاهر يُعرب عن فخره بالتكريم من مهرجان همسة ويُهدد المتنمرين

أعرب الفنان المصري أحمد زاهر، عن فخره بالتكريم الذي حصل عليه من مهرجان همسة للفنون، في دورته الثامنة، مشيرًا إلى أن أكثر ما يشعره بالسعادة أنه حصل على التكريم بتصويت الجمهور، قائلًا: "الحمد لله فرحان ومبسوط من الجايزة لإنها من تصويت الجمهور، لإن الجمهور أعظم حاجة في الدنيا وبنشتغل علشانه".وأضاف: "ببقى مبسوط جدًا لما يتم وصفي من الجمهور بالمتواضع والمحترم، مفيش حاجة مستاهلة إن الواحد ميتواضعش، كلنا بني آدمين بنعمل حاجات كويسة وحاجات وحشة، ومهما حد علي وبقى نجم هييجي يوم وممكن يقع، فالموضوع مش مستاهل، لو نجحت الحمدلله ولو فشلت لازم تحاول تاني".

وعن الانتقادات التي يتلقاها في بعض الأحيان من متابعي السوشال ميديا، على صوره مع ابنته ليلى، قال: "مبركزش مع الانتقادات بس لما بتيجي حاجة ناحية بناتي هروح أعمل محاضر بقى وهجيب الناس دي، خلاص خلصت كده لإن الموضوع بقى زيادة أوي، واللي شجعني على كده تصرف الفنان شريف منير مع المتجاوزين وأنا قلت الكلام ده قبل كده في استضافة تلفزيونية، ولازم الناس تعرف إن مش من حقها تتنمر على حد، مش عاجبك امشي أو اعمل إلغاء متابعة، بس متقعدش تشتم وإنت قاعد مستخبي ورا جهاز في البيت"، موضحًا "أنا قلت لليلى بنتي إن في حاجات لازم نتغاضى عنها، بس في حاجات مينفعش نسكت عليها، لازم وقفة".

وعن إمكانية مشاركته مع ابنته ليلى في عمل فني قال: "ممكن جدًا تشوفوني في عمل مع ليلى، لما يبقى في سيناريو يسمح بده، أنا بحب ليلى كممثلة، وملك نفس الكلام، وملك معانا في مسلسل لؤلؤ هترجع من جديد، وفي عمل ليها في رمضان الجاي إن شاء الله".يذكر أن الفنان المصري أحمد زاهر تألق في موسم دراما رمضان الماضي، بمسلسل "البرنس" مع النجم محمد رمضان، ونال استحسان الجميع بسبب شخصية "فتحي" التي لعبها في العمل، فيما تألقت ابنته ليلى في مسلسل "الفتوة" مع الفنان ياسر جلال، وحقق العمل نسب مشاهدات مرتفعة.

قد يهمك ايضا

 

أحمد زاهر يوضِّح تفاصيل قصَّة طلاقه مِن زوجته لـ"مرضه النادر"

شريف منير يتضامن مع الشعب اللبناني بكلمات مؤثرة

 



إقرأ المزيد